Rebeka Ubera zinegotziak adierazi du, "Beraiei esker posible izan da hainbeste premia zuten eskolako haur hezkuntzako gelak margotzea". Uberak gaineratu du uztailean, uda partean, egin zuela deialdia Udalak, opor usain garaian. "Ez da erraza izaten era horretako lanetarako jendea biltzea. Horregatik gure poza eta eskerra adierazi nahi ditugu". Aurrerantzean ere herria herritarren parte hartzearekin eraikitzen joatea da Uberaren nahia. "Azken finean denona baita herria, baita eskola ere".