Gisatu lehiaketan hamar lagunendako kazola prestatu beharko dute koadrilek

Lehiaketaren arauak lau dira. Osagaiak okela eta patata izango dira, baina saltsa egiteko gura dituzten osagai guztiak erabili ahal izango dituzte.

Partehartzaileek gutxienez hamar lagunendako gisatua prestatu beharko dute eta norberak bere sua, tresneria eta osagaiak eraman beharko ditu. Epaimahaiko kideek bi puntuazio ipiniko dizkiote kazola bakoitzari; 0tik 10era gisatuaren puntua eta zaporea baloratuko dituzte. 0tik 5era, berriz, kazolaren itxura.

Sari banaketa, 16:30ean

Lehiaketa 10:30ean hasiko da eta koadrilek hiru bat ordu izango dituzte lana egiteko. 13:30ak 14:00ak bitartean aurkeztu beharko dituzte-eta kazolak. Gisatu lehiaketaren sari banaketa 16:30ean egingo da, herri bazkariaren ostean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.