Elgetako gaztetxeak 13 urte beteko ditu eta urteurrena ospatzeko hainbat ekitaldi antolatu dituzte asanbladakoek. Hilaren 21ean egingo dituzte ekitaldi nagusiak.
Goizean, mendi buelta egingo dute Intxortara. Eguerdian, berriz, poteoa eta herri bazkaria. Arratsalderako batukada prestatu dute eta gauean kontzertuak egongo dira. Elgetako bi taldek egingo dute emanaldia; Ostiada Oi! eta Sotamano taldeek, hain zuzen ere. Hauekin batera arituko dira Jonny Gerriwelt & the Fucking Bastards eta Skakeitan.
Lapurretan, berriz ere
Aurreko astean, atzera ere, lapurretan egin zuten gaztetxean. Martxoaren 6an sartu ziren lapurrak gaztetxera eta denbora gutxian sartzen diren hirugarren aldia dute. Gaztetxetik gogor salatu dituzte lapurreta horiek.