Martxoaren 14an, 17an eta 18an jokatuko da Elgetako I. 3x3 saskibaloi txapelketa. 8-16 urte bitarteko neska-mutikoek dute bertan izena emateko aukera. Lau laguneko taldeak osatu behar dituzte. Taldeak mistoak izan daitezke. Txapelketa 18:00etatik 20:00etara jokatuko da kiroldegian eta kanporaketa ligaxka egingo dute gazteek. Antolatzaileek sariak agindu dituzte.
Izenematea zabalik
Martxoaren 12ra arte dago izena emateko epea zabalik udaletxean. Taldekide bakoitzak hiru euro ordaindu behar ditu. Txapelketa erakargarriagoa egiteko, antolatzaileek Antzuolako neska-mutikoak gonbidatu dituzte bertan parte hartzera.