Iaz 17 bikote aritu ziren nor baino nor eta lehenengo aldiz bi txapelketa jokatu ziren; 40 urtetik gorakoak alde batetik eta 40 urtetik beherakoak bestetik. "Pentsatzen dut aurten ere nahikoa bikotek emango duela izena partiduak bi txapelketatan antolatzeko", esan du Fernando Zenitagoia antolatzaileak.
Gabonetan jokatzen da herri mailako txapelketa honen finala, eta VI. edizio honetan ere hori da asmoa. "Horregatik komeni da txapelketa lehenbailehen astea. Gero eta bikote gehiago, gero eta aste bukaera gehiago behar ditugu partiduak egiteko eta guzti hori behar den moduan antolatzeko hobe denboraz ibiltzea".
Iaz 17 bikote aritu ziren
Iaz parte hartzaile kopuru polita izan zuen txapelketak, eta frontoira jende dezente erakarri zuen ikuskizunak. Gogoratu beteranoen mailan Alex Arantzabalek eta Alberto Telleriak jantzi zutela txapela. Jose Mari Zubiaurre eta Iñaki Ugarteburu izan zituzten aurrez aurre finalean. 40 urtetik beherakoen artean, berriz, David Peñalver eta Txomin de Vega jaun eta jabe izan ziren. Etor Garate eta Unai Alkorta izan ziren beste finalistak.