Lau norgehiagoka jokatuko dira zapatuan, hilak 6, lanak amaitu berriak diren udal pilotalekuan. 18:30ean hasita emakumezkoetan Nagore Morales-Janire Lazkano eta Idoia Elkoro-Garbiñe Sarasketa arituko dira lehenengo 3. eta 4. postuak erabakitzeko. Finala Rebeka Uberak eta Mireia Berriozabalek eta Idoia Sernak eta Nagore Ojangurenek jokatuko dute.
Gizonezkoak
Gizonezkoetan Asier Osoro, Asier Morales, Josu Arantzabal eta Eneko Ojanguren ikusiko ditugu lehenengo partiduan. Txapela lortzeko lehian Eñaut Arantzeta, Haritz Gallastegi, Hodei Zenitagoia eta Mikel Beretxinaga arituko dira nor baino nor. Ikuskizun polita izango da. Amaitutakoan sari banaketa eta afaria egingo dituzte parte hartzaileek.