Noiz hasiko dituzten ez dakigu, baina lanok egiteko konpromisoa jaso du Gipuzkoako Foru Aldundiak bere egitasmoen artean. Belar-sastrakak, bazterrak eta galtzadak garbituko dituzte eta elementu funtzionalak konponduko dituzte. Hala, seinaleak, hesiak, barandak, argiak eta zoruko zuloak konponduko dituzte. Larrialdiez eta gorabeherez ere arduratuko dira; hau da, istripuetako hondarrak kenduko dituzte, eta neguko bide-lanak egingo dituzte.
Artapen eta ustiapen lanen ardura Serbitzu Elkartea eta Asfaltos Urretxu enpresek hartuko dute. Debagoienean beste bi errepide zati ere berrituko dituzte; Arrasate eta Legutio arteko GI-2620 errepidea, Aramaio aldetik eta Urretxu eta Bergara arteko GI-2630 errepidea Oñati aldetik. Lanotan Aldundiak 6,7 milioi euroko inbertsioa egitea aurreikusten du.