Sidenor taldekoa, eta Gendaur multinazional brasildarraren jabegokoa, 19 langilek dihardute egun Elgetako Forjanor plantan. Guztiei ziurtatu diete lanpostua, baina taldeak dituen beste planta batzuetan. Zuzendaritza hil hasieran batu zen langileekin erabakiaren berri emateko.
Uda osterako, lekuz aldatuak
Momentuz, zehazteke dago langileak zein plantatan jardungo duten aurrerantzean. Basauri eta Gasteiz aipatzen dituzte langileek. Apirilean hasiko omen dira lehenengo leku aldaketak, eta aurreikusten da uda osterako guztiak lanpostu berrietan egotea.
Zuzendaritzarekin harremanetan jarrita, esan dute ez dutela gaiaren inguruan inongo adierazpenik egin gura. Jakin dugu, baina, asmoa dela produkzioaren zati bat Villalvara, Madrilera eramatea. Hotza eta beroa jotzen dute Elgetako plantan. Beroa da saldu nahi dutena.