Fernandez de Pierola upategiko Bujanda anaiekin gustura egon ziren eguenean 25 bat lagun. Espaloian egin zuten ardo-dastatzea, eta ardoa edateko gomendio egin zuen Donostiako Ospitaleko sendagile Luis Bujandak. Gizonei, egunean, lau basoerdi edateko esan zien, eta emakumeei, 2-3 basoerdi. Konprobatuta ei dago neurrian edaten dutenak luzeago bizi direla.
Dozena erdi ardo
Sendagilearen aholkuen ondotik etorri zen Pierola upategiaren ardo dastatzea. Merkatuan dituzten zuriak, merkaturatzekotan diren berriak, betiko Pierola... dozena erdi ardo eman zituzten probatzera. Pozik irten ziren ekitalditik parte hartzaileak. Ardo ederrak dastatzeaz gain opari emandako botila ardo bada eraman zuten etxera.