"Eguenean herri giroa nagusitu zen. Barikuan euren eguna izan zuten umeek eta erretiratuek, eta gaztetxean gauza asko antolatu zituzten. Herri egunean ia 600 lagun egon ginen bazkaltzen eta domekan argi geratu zen Elgetako feriak bere lekua duela. 17 idi buru izan ditugu aurten eta kanpotik ere jendea etorri da. Jaiak ondo joan dira. Ibili den jende kopurua eta egon den giroa iazko antzerakoak izan dira". Oxel Erostarbe alkateak jaiak amaitutakoan egindako lehen balorazioa da.
Lanabes zaharrak ikusgai
Pili Arin elgetarra ere pozik agertzen zen ferixan. "Tresneria zaharra ekarri du aurten eta arrakasta handia izan du. Gauza asko ikasi ditut. Erakutsi ere bai".