Ezker abertzaleak elgetarren iritzia jaso nahi du

Ezker abertzalea hasi da maiatzeko udal hauteskundeetara begira, eta euren egitasmoa azaldu zuten barikuan.

Azken 30 urteetan Elgetako Udalean ordezkaritza izan dute, "batzuetan, batzordeak kudeatzen; bestetan, eskuinekoen egitasmoei aurre eginez", esan dute.

Galdeketa orria

Ezker abertzalearen helburua herritarren parte-hartzea bultzatzea da. Beraz, galdeketa orri bat banatuko dute, elgetarren iritzia jaso eta "programa eragingarria" osatzeko; "etorkizuneko Elgeta eraikitzen denok partaide izan gaitezen", diote.

Alderdi guztien beharra

"Herri bat behar bezala aurrera eramateko, alderdi guztien lana beharrezkoa da", esan zuten agerraldian. "Orain dela lau urte, EAJk ez zuen borondaterik erakutsi udaletxean Elgeta Auzolanianen ordezkaritza egoteko".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.