Euskovision 2010 Espaloia Kafe Antzokian - [entzun elkarrizketa]

Usoa Agirre 2010ko mai. 19a, 10:52
Iaz, Eurovision jaialdia zela-eta, esperimentu txiki bat egin zuten Sustatu.com-eko kideek jaialdia jarraitzeko. Jaialdia ikusiz iruzkinak egiteko gunea jarri zuten webgunean eta hitzorduari Euskovision deitu zieten. Aurten, Interneten ez ezik, fisikoki ere elkartuko dira jaialdia ikusteko, Elgetako Espaloia Kafe Antzokian.

Sustatu eta La Personnalite daude Euskovision ekitaldiaren atzean. Maiatzaren 29an da  hitzordua, zapatua. 21:00etatik aurrera elkartuko dira Eurovision jaialdia jarraitu eta iruzkinak egiteko, jai giroan. Bi pantaila izango dira Espaloian: batean Eurovision emango dute; bestean zuzeneko iruzkinak erakutsiko dira.

Dena dela, Elgetara etorri ezin dutenek ere jarraitu eta parte hartu ahal izango dute Euskovisionen. Coveritlive eta Twitter erabiliko dituzte iruzkinak egiteko, eta bien emaitza konbinatua ikusiko da Sustatu.com-en bertan.

Elkarrizketa Luistxo Fernandezi

Arrasate Irratian elkarrizketa egin zioten atzo Luistxo Fernandez Sustatu.com-eko editoreari. Ekitaldiaren gaineko xehetasunak eman zituen Fernandezek:

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak