Euskal mitologia aukeratu dute Herri eskolan inauterietarako

Sorginak, Amalur, Ilargia, Tartalo, Galtzagorri, Lamiak eta Basajaun. Plaza euskal mitologiako pertsonaiekin beteko dute otsailaren 12an Herri eskolako umeek.

Mozorroak gertatzeko ereduak aurkeztu dituzte, eta zikloka antolatuta eskolako umeak hasi dira inauteriak prestatzen. Haur hezkuntzakoak sorginez mozorrotuko dira; lehen ziklokoak Amalur eta Tartalo izango dira; bigarren ziklokoak Galtzagorri eta ilargia; eta hirugarren ziklokoak lamiak eta basajaunak.

Otsailaren 12an, barikua

Urtero legez desfilea eta dantza saioa egingo dituzte eskolako umeek. Eguraldiak laguntzen badu Herriko plazan izango da ikuskizuna. Orain, mozorroak eta dantza saioak lantzeko garaia da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.