Etzi inauguratuko dute Intxortako ibilbidea eta Espaloiko harreragunea

Hasi eta urte bete pasatxora, azkenean gertu dago Debagoienean memoria historikoa berreskuratzeko egin den proiektu handienetariko bat: Intxortaren magalean gertatu duten ibilbide tematikoa, Espaloia antzokiko harreragunearekin batera.

Egunotan, azken ukituak ematen egon dira langileak, eta etzi, domeka, inauguratuko dute dena. Ekitaldia Espaloian hasiko da, 12:00etan; handik autobusez Asentziora joango dira, eta ibilbidea egiteko aukera izango da. Handik aurrera, zabalik geratuko da bidea.
Oxel Erostarbe alkateak honakoa dio: "Ekimen honetan lagundu duten guztiak gogoratuko ditugu: herritarrak, askok parte hartu dutelako lubakiak berreskuratzen eta materiala ekartzen; eta erakundeak, 450.000 euro kostatu delako proiektua, eta Jaurlaritzaren, Diputazioaren… laguntzarik gabe ezin izango genukeelako proiektua aurrera eraman".

Erakutsi beharra 

Edurne Alberdi Turismo zinegotziak honakoa dio: "Elgetarrek eta debagoiendarrek badakite Elgetan zelako une latzak pasa ziren gerra garaian eta ostean, eta derrigorrezkoa zen erakustea jendeari hemen, Alemanian, Polonian, Vietnamen… bezala, sarraskiak egin zirela zirela".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.