AEK-k bi urtean behin antolatzen duen euskararen aldeko lasterketa ez da aurten Elgetatik pasako, baina Eskolaren ekimenez gaztetxoek Korrika Txikia egingo dute barikuan, hilak 4.
Eskolako umeak 15:00etan abiatuko dira Elgetako kaleetan barrena lasterka. Maala Guraso elkarteko kideek ere bat egin dute ekimenarekin eta eurak ere Korrika Txikian parte hartzera animatu dira. Korrika egiteaz gain lasterketaren buruan eramango duten pankarta egiteko konpromisoa ere hartu dute.
Gonbitea, gainera, guraso eta heldu guztiei luzatu dute Eskolatik. Korrika Txikia Herriko plazan amaituko da bertan egingo den ekitaldi txiki batekin.