Sidenor konpainiako zuzendaritzak enplegu-erregulazioko espedientea aurkeztu die talde siderurgikoan ordezkaritza duten sindikatuei. Lantalde osoari eragingo dio, hau da, 3.107 langileri, eta 2009ko urtarrilaren 1etik irailaren 30era ezarriko dute, UGT, CCOO eta USO sindikatuek jakinarazi dutenez. Sidenorren lantegietako bat dago Elgetan.
Enpresatik ziurtatu dutenez, behin-behineko neurria da, eta
automobilgintzaren sektorean eskarien kopurua jaitsi egin delako
abiatuko dute. Espedienteak iraungo duen 9 hilabete horietan, lantegien
jarduera %45-55 murriztuko da. Espedientea ez diete ezarriko iaz erretiro plana sinatu zuten langileei (400 dira).
Astearte
honetan Bilbon egindako bileran, kaltetutako langileei soldataren %90
ordaintzea proposatu du zuzendaritzak. Hori bai, gaueko eta
jaiegunetako lanaren plusak ez dituzte kenduko.
EAEren kasuan, Sidenorrek bost
lantegi ditu Basaurin, Gasteizen, Azkoitian, Legazpin eta Elgetan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak