Agenda 21 programaren barruan energia berriztagarrien gaia lantzen ari dira Herri eskolan. Ikasgeletan ikasitakoa oso garrantzitsua da, baina energia iturri horiek praktikan zelan funtzionatzen duten ikustea oso aberasgarria izan da neska-mutikoendako.
Lau urteko gelako umeekin hasi eta eskolako ikasle guztiek egin zuten eguenean txangoa.
Parke eolikoan, lehenengo
Guztiak izan ziren Langraizko parke eolikoan. Haur Hezkuntzakoak, gero, Landara joan ziren bazkaltzera. Lehenengo Hezkuntzako neska-mutikoek, aldiz, Araiako zentral hidroelektrikoa eta eguzki plaken instalazioa ikusteko aukera izan zuten.
Orain, ikasgelan txangoan ikusitakoa lantzeko aukera izango dute.