Salbador kaleko 30. atarian eta Torrealdeako 7., 8., 9. eta 10. atarietan energia aurrezteko isolamendu termikorako lanak burutzen dihardute.
2007an ipini zuen martxan Suradesa erakundeak fatxaden isolamendua eta birgaitzea helburu dituen proiektua. Foru-laguntzak ere lortu zituen Debagoieneko etxebizitzetan lan horiek burutzeko, 140.500 euro hain zuzen ere. Elgeta da Debagoienean eskaera gehien egin dituen herria.
Lana lau fasetan
Proiektua lau fasetan gauzatzen da. Lehenengo eraikinaren egoera energetikoaren aurretiazko azterketa egiten da. Hortik abiatuta hobetu beharreko puntuak jasotzen dituen proiektua egiten da. Hirugarren fase batean proiektuan zehaztutako isolamendu termikorako obrak gauzatzen dira eta, azkenik, tenperatura eta hezetasun datuak berriz ere biltzen dira lehenengo fasean jasotako datuekin alderatzeko eta energia aurrezpenaren inguruko konparazioa egiteko guztietan.
Urte amaierarako amaituta
Elgetako kasu denetan fatxadak egokitu eta isolamendu termikoa eskaintzen duten xafla berezi batzuk ipintzen dihardute. Beharginek lanean dihardute eta asmoa da bost eraikin horietan urte amaierarako lanak amaituta egotea