"Argi daukagu euskararen normalizazioa posible dela eta euskararen ezagutza eta erabilera areagotzea dela horretarako gakoa. Euskarari bai esatetik, Euskaraz bai aldarrikatzeko unea heldu da. Euskal Herria euskalduntzeko bidean pauso bat haratago eman behar dugu". Kontseiluaren X. urteurrena dela-eta Elgetan osatu den lantaldeko kide Idoia Urgoitiaren hitzak dira. Azaroan bi ekitaldi egin dituzte herrian urteurrenaren garrantzia azpimarratzeko; hitzaldi bat eta aurreko barikuan egindako herri argazkia.
BEC-era joateko deialdia
"Denoi hitzordua luzatzen dizuegu zapatuan, hilak 13, Barakaldoko BEC-en 18:00etan hasita egingo den ekitaldian parte hartzera", adierazi dute.