Elgetan atxilotutako sei gaztetatik bost Zumarragara eraman dituzte

Elgetako Aixola Zaintza Espezializatuko zentroan istiluak egon dira bart, eta ertzaintzak sei adin txikiko atxilotu ditu. Arratsaldeko lehenengo ordurako kontrolpean zegoen egoera, eta sei gazteak Bergarako ertzain-etxera eraman dituzte, Gipuzkoako fiskaltza gertakarien jakinaren gainean ipiniz. Hala, arratsaldean erabaki dute sei gazte horietako bost Zumarragako adin txikikoen zentrora eramatea.

Egunean zehar hainbat hedabide ibili dira esaten gehienez ere epaileak Aixolara bueltatu ditzakeela, biana ez da hala. Epaileak erabaki dezake goragoko gradu batean dauden guneetara eramatea, Estatu espainiarrean dauden beste zentro batzuetara; edo baita, deliturik ikusiz gero Zumarragako adin txikikoen zentrora eramatea. Eta, arratsaldeko azken orduan jakin dugu hori erabaki dutela, alegia, sei atxilotuetako bost Zumarragara eramatea.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.