Hilaren 18an, domeka, hitzordu garrantzitsua dute Elgetako mendizaleek. Egoki taldeak Elgetako lau handixak izeneko proposamena luzatu du. Bi ibilbide daude aukeran, bata motza (3 ordu) eta bestea luzea (6 ordu). Ekintza doan da.
Ibilbide luzea
Domekan, 8:30ean abiatuko dira ibilbide luzea egitea aukeratzen dutenak. Elgeta, Intxorta, San Roman, Erdella, Aixola, Eguarbitza, Azkonabitza, Azula eta Elgetak da ibilbidea. Antzolatzaileek uste dute sei ordutan egiteko moduko ibilaldia dela.
Ibilbide motza
Ibilbide motza hiru ordukoa da. Elgeta, Intxorta, San Roman, Erdella, Aixola eta Elgeta da ibilbidea. Kasu bietan hamaiketakoa egongo da Aixolan eta Karabietan. Antolatzaileek gomendatzen dute praka luzeak eramatea.