Azkonabitxa, Eguarbitza, Erdella eta Intxorta. Elgetako lau handiak egiteko irteera antolatu du aurten ere Egoki kirol taldeak. Azaroaren 9rako, domeka, egin dute deialdia eta izenematea zabalik dago azaroaren 7ra arte udaletxean.
Bi ibilbide egingo dira. Handia (6 bat ordu) 08:00etan irtengo da plazatik eta txikia (3:30 ordu) 09:00etan. Izena emateko baldintza bakarra da 8 urtetik gorakoa izatea.
Ibilaldiak
- Motza: Elgeta – Azula – Azkonabitxa – Eguarbitza – Aixola – Elgeta (3:30 ordu)
- Luzea: Elgeta – Azula – Azkonabitxa – Eguarbitza – Aixola – Erdella – San Roman – Intxorta - Elgeta (6 ordu)