Irakasleak hilaren hasierarekin batera itzuli ziren lanera. Besteak beste haurreskolak libre lagatako gela egokitzea tokatu zaie. "Primeran etorri zaigu haurreskola berria zabaldu izana, adierazi du zuzendariak. " 14 ume ditugu aurten bi urteko gelan eta talde horrek erabiliko du orain arte haurreskola zerbitzuak zuen espazioa. Ume txikiendako egokitua dago eta primeran datorkigu".
Hamar gela, 87 ume
Hamar maila egongo dira aurten ere Herri eskolan, guztira 87 ikasle. Eguaztenean, hilak 9, hasiko dute ikasturtea. Lehenengo hiru egunak, goizez bakarrik eta hortik aurrera ohiko ordutegiarekin. "Jangela zerbitzua hasieratik egongo da", ziurtatu du zuzendariak.
Eskolaz kanpoko jarduerak
Poliki-poliki martxan jarriko dira eskola inguruko gainerako jarduerak ere. Psikomotrizitatea, ingelera eskolak, musika, piano eta gitarra eskolak, trikitixa eta pandero eskolak... Eskola kirola zerbitzua ere urrian jarriko dute martxan. Udal kirol zerbitzutik emandako egutegiaren arabera astelehen eta eguaztenetan izango da hori. Iritsi da, beraz, eskolarako itzulera.
Ume kopurua taldeka
| Maila | Haur kopurua |
|---|---|
| 2 urteko gela |
14 |
| 3 urteko gela | 8 |
| 4 urteko gela | 13 |
| 5 urteko gela |
9 |
| Lehen maila |
6 |
| Bigarren maila |
8 |
| Hirugarren maila |
6 |
| Laugarren maila |
7 |
| Bosgarren maila |
8 |
| Seigarren maila |
8 |
8