Burdinezko hesi batek inguratzen du Espaloia Kafe antzokiaren aurrean dagoen plazatxoa. Apurtuta zegoen, antza, hesi hori eusten duen krokaduretako bat eta umea goitik behera amildu da. Ezbeharra bederatziak laurden gutxitan gertatu zen, gutxi gorabehera. Anbulantzia medikalizatu batean eraman zuten larri zauritutako umea.
Atsekabe handia
Atsekabea handia da gaur Elgetan. Ferixa Nagusiko jaiak amaitzeko puntuan zeudela gertatu zen ezbeharra. Ertzaintzaren zinta batekin inguratuta dago gaur zonalde guztia.
Udaletik konfirmatu dute hesia Udalaren ardura dela. Oxel Erostarbe alkateak bere atsekabea agertu du eta gaineratu du, momentuz, Udalak ez duela bestelako adierazpenik egingo.