Elgetako 8-12 urte bitarteko neska mutikoek hilaren 11a, barikua, dute azken eguna domekan Udalak eta Egokik antolatuko duten herri krosean izena emateko. Lasterketa Bolatoki inguruan eta herriko kaleetan barrena egingo dute 11:30ean hasita.
Antolatzaileek bi taldetan banatuko dituzte partehartzaileak. 8-10 urte bitarteko neska-mutikoak benjaminak dira eta 800 metroko lasterketa egin beharko dute. Aldiz, 10-12 urte bitartekoak alebinak dira eta 1.000 metroko lasterketa egin beharko dute. Bigarren aldia da Elgetan horrelako lasterketa egiten dela. Aurreko urtean arrakasta handia izan zuen.
Sariak egongo dira
Dominak eta opariak banatuko dituzte antolatzaileek parte hartzaile guztien artean krosa amaitu ostean. Iaz, 27 neska mutikok hartu zuten parte krosean. Orduan beste jende batzea da helburua.