Domekan beatifikatuko dute Erroman Zenona Arantzabal elgetarra

1936an fusilatu zuten Madrilen Arantzeta auzoko Itturri baserriko moja.

Domekan, hilaren 28an, beatifikatuko dute Zenona Arantzabal Barrutia elgetarra. Erromako San Pablo Extramuros basilikan beatifikatuko dute 10:00etan. Egun berean, mojaren gaineko informazio-panelak jarriko dituzte Elgetako eliz inguruan.


1936an fusilatua
1878ko uztailaren 9an jaio zen Zenona Arantzabal. 28 urterekin sartu zen nobizia Adoratzaileen eta Guztiz Santuaren eta Karidadearen Mirabeen erlijio-ordenan, Madrilen. Zortzi urteren buruan, 1914an sartu zen moja Borja de Jesusen Ama izenpean.
Beste 22 mojarekin batera Errepublikanoek 1936ko azaroaren 9an fusilatu zuten Arantzabal Madrilgo Almudenako hilerrian. Gaur egun ordenaren Madrilgo kaperan dago lurperatua Zenona Arantzabal Barrutia elgetarraren gorpua.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.