Deia Beizu-Azulako bidea auzolanean garbitzeko

Zapatuan, hilaren 15ean, egin dute bidea auzolanean garbitzeko bigarren deialdia. Norbaitek auzolanean ezingo balu parte hartu, bera ordezkatzeko baten bat jarri behar du bestela 10 euro ordaindu orduko.

Hilaren 1ean Beizu eta Azula baserrietako bide-bazterrak garbitzeko lanetan aritu ziren bidearen erabiltzaile batzuk auzolanean. Bidearen hasieratik Azula eta Beizu baserrietako bidegurutzerainoko zatia garbitu zuten. Gelditzen den zatia garbitzeko bihar, zapatua, egin dute hitzordua, 09:00etan.
    Udalak, gainera, jakinarazi du ordenantzako 23. artikulua aplikatuko duela aurrerantzean. Honela dio artikulu horrek: "Norbaitek auzolanean ezingo balu parte hartu, bera ordezkatuko lukeen bat jarri beharko luke, edo bestela orduko 10 euro ordaindu".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.