Dantza-jauziak ikasteko helburuarekin dozena bat lagunek ikastaroa hasi zuten aurreko eguaztenean. Udalak antolatuta, Espaloian elkartuko dira astean behin Patxi Montero irakaslearen gidaritzapean hainbat dantza ikasteko.
"Joan den urteko udaberrian, Koadrilen egunari begira, dantza ikastarotxoa egin genuen, egun horretan plazan egingo ziren dantza batzuk prestatzeko. Orduan azaldu zen parte hartzaileen interesa dantza jauziak hobe ikasteko", azaldu du kultura zinegotzi Ana Gillegik. Maiatzaren 26ra bitartean, eguaztenero, ordu eta laurdeneko saioak egingo dituzte, 19:15ean hasita.
Egitaraua
- Dantza jauziak: oinarrizko urratsak eta praktika.
- Xiberuako Branlea.
- Axuri beltza.
- Extra: Baztango zortzikoa errepasatzea (Lantzeko inauteria).