Kinshasan izandako lapurretarekin beldurtuta, eta lan kontuak tarteko Afrikako abentura bertan behera uzteko erabakia hartu du Unai Artaloitia zornotzarrak. Ez horrela Bixente Askasibarrek. Elgetarrak bidaiarekin jarraitzea erabaki du andikona.blogspot.com blogean irakurri ahal izan dugunez. Hortik aurrera, albiste gutxi dugu. Familiak duen azken albistea da Angolan dela Namibiaranzko bidean.
Lapurreta, armak erabiliz
Unai Artaloitiak kontatzen du gertakaria bere blogean. "Poliziak ziren. Atxilotu eta auto batean sartu gintuzten. Dirua nahi zuten eta geneukan apurra kendu ziguten". Artaloitiak dionez Kinshasa hiri oso arriskutsu da, eta Kongoko Errepublika Demokratikoa munduko hirugarren herrialderik arriskutsuena Iraken eta Afganistanen ostean.
Bixente Askasibarren albisteen zain gelditzen gara.