Bihar, barikua, zabalduko ditu ateak gaztelekuak

1993-1999 urteetan jaiotako gazteek dute izena emateko aukera. Apiril bukaera bitartean gaztelekuak barikuetan, zapatuetan eta domeketan zabalduko ditu ateak.

Haurreskola-gazteleku berriko lanak amaitu bitartean Kultura Etxean zabalduko ditu hasiera batean ateak gaztelekuak. Barikuetan 17:00etatik 19:00etara, zapatuetan 16:30etik 20:30era eta domeketan 17:00etatik 20:00etara egongo da zabalik asteburu oro. Hezitzaile batek antolatuko ditu gazteei zuzendako ekintzak eta interesatuek ludotekan eman behar dute izena. Gainera, ingresoa egin behar dute Kutxan.

Kuotak

Familiako gazte bakarra badago 35 euro. Bi badira, 30 euro bakoitzak, eta hiru izanez gero, 25 euro bakoitzak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.