Horren arabera, dena dela, "erabiltzaileek normal erabili ahal izango dute egunotan elkartea afarietarako edo nahi dutenerako".
Amaral de Sousa enpresak egin ditu obra horiek. Bere garaian, Ozkarbik akordioa lortu zuen Udalarekin, herriko erretiratuek elkartea egoitza moduan erabil zezan. Horretrako, areto bat atondu egin da, eta irisgarritasun lanak egin dira. Ezinduei egokitutako komun berria egin dute beheko solairuan, eta aldapatxoak sarreran. Zuzendaritzak, gainera, lan horiek aprobetxatu nahi izan ditu eta elkarteko hormak margotu eta mahaiak lixatu eta bernizatu dituzte.
Ozkarbi eguna, ekainaren 6an
Obrak direla-eta, Ozkarbi eguneko bazkaria atzeratu egin behar izan dute. Ozkarbiko presidenteak aurreratu digu dagoeneko ekimen horren data zehaztu dutela: ekainaren 6an, domeka, egingo dute esandako eguna. Urtero moduan, bazkideak bazkaltzeko batuko dira egun horretan, mahai baten bueltan.
Horren harira, zuzendaritza batzordeak bazkideak gonbidatu nahi izan ditu bazkarian parte har dezaten eta nahi izan ezkero, elkartean egin diren obrak ikus ditzatela.