Urgabe
Urgabek 1995. urtean hasi zuen musikan ibilbidea Agus Barandiaran abeslariaren gidaritzapean. Hasiera batean, beste talde batzuen abestiekin ematen dituzte lehen kontzertuak, zuzeneko mordoa eskainiz eta Euskal Herri mailan taldearen izena ezaguna bihurtuz. Lortutako oihartzunaren ondorioz, 1999. urtean, taldearen izen berbera daraman lehenengo diskoa kaleratzen dute "urgabe" (1999 Elkar), zuzenean eskainitako bertsio haien bilduma bat bertan grabatuz. Laster ordea, taldeak bere kantu propioak egiteari ematen dio lehentasuna. Horrela, bertsioak alde batera utzi eta disko berriak ugaritzen joaten dira: "hi bizi hadi" (2002 Elkar), "edan hemendik" (2004 Oihuka), eta azkenik taldearen emaitza berria "isilean" (2006 Oihuka).
Taldekideak
Agus Barandiaran: ahotsa
Mikel Romero: gitarra
Ander Garzia: baxua
Iker Lope de Bergara: alboka
Ander Hurtado de Saratxo: bateria
Bidebat
Bidebat Arrigorriagan sortu zen 1999an. Euskadi Gazteko IX. maketa lehiaketan finalistak izan ziren. Basauriko maketa lehiaketan, berriz, bigarrenak. Euskadi Gazteko XI. maketa lehiaketan entzuleen saria eskuratu zuten.
2003. urtean hirugarren maketa grabatu zuten eta Bilboko Emergenzan bigarren postua lortu zuten. San Inazioko maketa lehiaketa irabazi zuten urte berean. 2005ean berriz Shot! estudioetan diskoa grabatu zuten Gaztelupeko Hotsaken eskutik. Bigarren diskoa ere 2006an kaleratu berri dute.
Taldekideak
Borja: ahotsa
Raul: gitarra
Juanjo: gitarra
Gorka: bateria