Herri mailako pilota txapelketak izandako arrakastaren ondotik, Frontenis txapelketa jokatuko dute orain herriko hainbat lagunek. Asier Osoro da antolatzaileetako bat.
Orain frontenisa. Zergatik?
Herriko gazte talde batek egindako eskaera da. Frontoira joateko ohitura dute, baina frontenisean egitera. Pilota txapelketa amaitutakoan guregana hurbildu eta esan ziguten zergatik ez genuen frontenis txapelketa antolatzen.
Neskak eta mutilak, bi txapelketa jokatuko dira?
Bai. Mutiletan bederatzi bikote arituko gara eta nesketan hiru bat bikote. Guk zapatuan hasiko dugu txapelketa. Neskek datorren astean.
Noiz jokatuko dira norgehiagokak?
Zapatuetan eta domeketan jokatuko dira. Gero finalerdiak eta finala egingo ditugu. Dena ondo bidean martxo amaieran amaituko dugu.
Zeintzuk dira bikote partehartzaileak?
Mutiletan, Josu Arantzabal-Fernando Zenitagoia, Josu Urizar-Javier Gamarra, Sergio Bouzas-Adrian Gorostiza, Oskar Sarasua-Roberto Mora, Hodei Zenitagoia-Mikel Beretxinaga, Ander Gorosabel-Ibon Untzetabarrenetxea, Haritz Gallastegi-Eñaut Arantzeta, Mikel Arkarazo-Josu Olasolo eta Asier Morales-Asier Osoro. Nesketan, berriz, Mireia Berriozabal, Mª Carmen Salas, Idoia Elkoro eta Garbiñe Sarasketa ditugu konfirmatuta. Esan digute, baina, gehiago izango direla pixkanaka animatzen ari direlako.