Gipuzkoako Foru Aldundiko Bide Azpiegituretako Departamentuak jendaurrean ipini du Elgetako saihesbidearen bigarren fasearen trazatu proiektua. 1,1 kilometroko luzera izango du eta 11,4 milioi euroko aurrekontua. Bi biribilgune berri eta tunel artifizial bat aurreikusten ditu.
Elgetako Udalak bi iradokizun egin zizkion bere egunean proiektuaren zirriborroari. "Foru Aldundiak biak hartu ditu kontuan", adierazi du Oxel Erostarbe alkateak.
30 egunez jendaurrean
Zirriborroan, Aixola urtegirako bidea San Juan baserritik gora bideratzen zuten foru teknikariek. Jasotako proiektuan Tapem lantegi ingurura irtengo da. Bestetik, Larrabiltzearra auzoaren sarrera-irteera Eguzkitzatik aurreikusita zegoen zirriborroan. Egungo proiektuak jasotzen du txaletaren aurreko aldeko belardi inguruan ipiniko dutela.