Beizu-Azulako bide bazterrak auzolanian garbitzeko deia egin du Udalak

Baserritarren batzordeak deia egin du garbiketa lanak abenduaren 1ean, goizeko 09:00etan hasteko. Bidearen bidegurutzean egin dute hitzordua.

Elgetako baserritarren batzordeak erabaki zuen urtero baserrietako bide bateko bazterrak auzolanian garbitzea. Aurten Beizu-Azulako bidekoa garbitzea erabaki zen. Udalak jarriko du tresneria, baina lana egiteko bidearen erabiltzaileen laguntza beharrezkoa izango dela esan dute. Bakoitzak bere erremintak ekartzeko eskaera ere egin du Udalak. Hamarretakoa Udalaren kontura izango da.


ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.