Azaroaren 28an deitu zituen Udalak bilera batera 12-16 urte bitarteko umeen gurasoak. Gazteleku zerbitzua martxan jartzea da Udalaren asmoa, baina arazoak ditu. Enpresa bakarra agertu da zerbitzu hori eskaintzeko prest eta urte osoko plangintza egitea beste aukerarik ez du ematen. Hileko 3.000 euro eskatzen ditu.
Izenematea hilaren 12ra arte
Gurasoen iritzia jaso ostean Gazteleku zerbitzua martxan jartzeko Udalak begirale bat kontratatzea erabaki du. Interesatuek udaletxean eman behar dute izena hilaren 12ra bitartean. 18 urtetik gorakoa izatea, euskaraz jakitea eta alor horretako ikasketak eginda izatea edo egiten aritzea eskatzen dituzte.