Euskal Itzultzaile, Zuzentzaile eta Interpreteen Elkarteak (EIZIE) parte-hartze handiarekin egin zuen zapatuan urteko batzar nagusia. Bertan, aho batez izendatu zuten elkarteko lehendakari posturako Beatriz Zabalondo elgetarra. Orain arte lehendakari orde izan denak, Joseba Osa lehendakariaren kargua hartuko du.
Itzultzaile lanetan jarduteaz gain, Huhezi fakultateko irakasle ere bada Zabalondo.
Bileran erabaki zuten, orain arte literaturaren inguruko proiektuei garrantzia eman bazaie ere, itzultzaileen lan baldintzei buruzko alorra gehiago lantzea aurrerantzean.
EIZIEk era berean Itzulbaita proiektuari bultzada emateko konpromisoa ere hartu du. Proiektuaren baitan lan espezializatuak jorratuko dira.