Eskolako umeek izango dira lehenak Aratusteak kalera ateratzen. Desfilea egingo dute bariku arratsaldean, baita emanaldi txiki bat ere plazan. Eguraldi txarrarekin ekitaldi hori Espaloian egingo dute.
Jokoak eta buruhandiak
Udalak antolatuta, 16:15ean hasita altxorraren bila egingo dute herriko plazan. Ondoren, Maala Guraso elkarteak txokolate-jana eskainiko du. Buruhandiak ere egongo dira. 19:00etatik aurrera, berriz, disko-festa egongo da Espaloian Ama Lur taldearen eskutik.
Herri afaria gaztetxean
Gaztetxeak, berriz, herri afaria antolatu du egun horretarako. Izena emateko epea zabalik dago hilaren 17ra arte Haizea tabernan. Menuan entsalada marokoar erara, kus-kusa oilaskoarekin, naranja kanelarekin, ogia, edaria, kafea, tea eta kopa. Prezioa 10 euro da. Gauean, gainera, kontzertua egongo da gaztetxean. Trapatoni Circus Band taldea egongo da besteak beste.