Azpiegitura elektrikoak hobetzeko inbertsioa egin dute

Iberdrolak 400.000 euro inbertitu ditu Elgetako azpiegitura elektrikoan. Horri esker, sare elektrikoan, elurte edo ekaitzegatik sortutako matxurak, nabarmen gutxituko dira.
Iberdrolak herriko transformadorea zaharberritu eta modernizatu du. Urrutiko aginte sistema eta automatizazioa jarri diote eta horri esker, matxurak berehala konponduko dituzte.

Zirkuituetan hobekuntzak

Gainera, zeuden elektrizitate zirkuituetan ere hobekuntzak egin dituzte. Elgetan bi zirkuitu nagusi daude.

  1. 30 kilovoltekoa, enpresa handiek erabiltzen dutena.
  2. 13 kilovoltekoa, herriguneko etxebizitzei zuzendutakoa.

Azken horietan izaten ziren gehienbat matxurak; azpiegiturak zahartuta baitzeuden.

Azkar konpondu

Iberdrolak egindako lanekin ez dira ekaitzek eta elurteek sortutako matxura guztiak ekidingo. Hala ere, horrelako kasuetan, argindarraren sarea lehen baino askoz azkarrago jarriko dutela berriz martxan ziurtatu dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.