Agurra
Gaiñian dittugu Ferixa Nagusiko jaixak. Biharreko,
eskolako eta gaiñontzeko ardurak egun batzutan albora laga eta kalian
gora kalian behera ibilitzeko egunak eta gabak. Jai egitaraua
egiterakuan ahalegindu da batzordia herrittar guztiak kontuan hartzen.
Asmua izan da danon gustua beteko daben programia osatzia.
Kalian
bizitzeko jaixak antolatzeko ahalegiña egin dogu, koloretsuak eta
alaixak izateko ahalegiña. Eskuetan dakazuen programiari heldu eta
danon eskuetan dago jaixei bizittasuna emotia. Etara ba mozorruak,
amonatxo jantzixak, kanturako eta dantzarako daukazuen gogua eta egin
jai!
Iazkuari eutsita, zapatuan egingo dogu herri eguna. Herri
egunian etara amonatxo eta aitonatxo jantzixak eta segi paellia jatera.
Adarzaliek plaza bueltan izango dabe balentriak erakusteko aukeria.
Umiek urteroko puzgarri eta jolasez gain bits jaixan parte hartzeko
aukera euko dabe. Jaixei amaieria Kabaretakin emongo dotsagu.
Programa
hemen daukazue, eta hemendik aurrerakua norberan esku gelditzen da: bai
antolatutako ekitaldietan parte hartu eta disfrutatzia, eta baitta
jaixa norberan kabuz egittia be. Edozein modutan, festa girua eta
goguak irabazi deixela.
Eskerrak emotia gura giñuke hau
programiau aurrera etaratzeko laguntza emon dozuen danoi. Asko izango
zarie jaixetan zuen tarte bat beste danoi emoteko prest agertu
zarienak. Eskerrik asko!
Ezin ahaztu Ferixa Nagusixan gure
artian egongo ez zarien elgetarrokin. Nahi giñuke gurre besarkadarik
beruena emon etortzia gura eta ezin etorrixa dakazuenoi.
Izan daittezela jaixok giro onian ospatutakuak. Alkar ikusiko dogu jai-giruan. Gozatu, ez pasatu eta parte hartu!
Elgetako Jai batzordia
Egitaraua
Uztailak 2, eguena: MOZORRO GAUA
17:00 Umientzako jokoak (Artikoa)
19:30 Mozorro jaitsieria Salbadorretik Ustekabe txarangarekin. Plazara iritsitakoan alkate txikixari emango jako agintia eta brindisa egingo da jaixei hasieria emoteko. Ondoren buruhaundixak.
22:00 Mozorro afaria plazan.
23:00 Erromerixia: Kupela taldearekin
00:00 Larrain dantza urteroko ohittura onari jarraittuz. Ondoren erromerixiak jarraittuko dau.
Uztailak 3, barikua: GAZTE ETA ERRETIRATUEN EGUNA.
11:00 Umientzako puzgarrixak salbador kalian.
11:15 Intxorta elkartearen aurrean salda banatuko da.
11:45 Krabelinak jartzea jubilatuei.
12:00 Meza Nagusixa, iazko jaixetatik hil diren jubilatuen alde.
13:00 Herri kirolak: Harrijasotze saioa Goenatxo eta Goikoetxe.
14:00 Jubilatuentzako bazkarixa Espaloian. Bazkalostian dantzarako aukeria egongo da Peli Arantzabal soinu jolearekin.
14:00 Umeentzak bazkarixa.
16:00 Puzgarrixak umientzako.
18:30 Buruhandixak.
19:00 Zezenak.
20:00 Trikibertso poteoa.
20:15 Bits festa plazan.
22:00 4 1/2 ko buruz buruko pilota txapelketako finalak.
22:30 Erromerixia: Zurrust taldearekin.
00:00 Suzko zezena plazan. Ondoren erromerixiak jarraittuko dau.
00:00 Kontzertuak Gaztetxe ondoko lautadan: Trapatoni Circus Band, Skakeitak eta Skasti.
07:00 Txokolatadia Gaztetxian.
Uztailak 4, zapatua: HERRI EGUNA
11:30 Kuadrilen hamaiketakoa: Ozkarbi elkartean.
11:45 Buruhanduxien etorrera salbadorretik Ustekabe txarangak lagunduta.
12:30 Asto karreria, Elgetako IX. Sarixa.
13:00 Kalejira Ustekabe txaranga eta buruhaundixekin.
14:30 Bazkari herrikoia: paella erraldoia eta sahieski errea.
16:00 Kantuak eta dantzak Jainaga eta Narbaizarekin
19:00 Zezenak. Ustekabe txarangak alaituta.
22:30 Erromerixia, Imuntzo eta Belokikin.
23:30 Bolo txapelketa.
00:00 Susko zezena.
00:00 Kontzertuak Gaztetxe ondoko lautadan: Señor No, Hell Beer Boy seta Doubling Boys.
Uztailak 5, domekia: FERIXA NAGUSIXA.
09:00 Ferixa Nagusixa zabalduko da: ganadu erakusketia, makinarixia eta burdindegi azoka.
- Erakusketia eta salmentia: lorak, barazkixak, gaztaiak, fruta, txakoliña, eztixa, landarak...
- Eskulangintza.
- Herriko abereak.
- Idiak.
- Artisauak.
12:00 Elgetako trikitilarixak alaittuko dittue kaliak goizean zihar.
12:00 Idi probak
18:00 Umeentzako play-back lehiaketa
19:30 Kabareta. Femme Fatale konpainiaren eskutik.
21:00 Txitxiburduntzia