Azaroan bi urte bete ditu Intxortako lehoiak taldeak, Elgetako Athletic-en lagunarteak. Egun, 23 bazkide dira eta aurreko astean egin zuten batzar orokorra. Kuota berriak onartu zituzten bertan. Urteko kuota 50 euro da orain, 25 euro 18 urtetik beherakoendako.
Bazkide txartelak egitea eta ordainketak helbideratzea erabaki dute aurten Felix Irizar presidentearen esanetan. Horregatik, interesatuek nortasun agiriaren zenbakia, kontu korrontea, eta argazkia eman behar dituzte. Argibide gehiago lagunartearen egoitza den Bolatokian emango dituzte.