Zoramena zen atzo arratsaldean nagusi umeen artean. Gaurko zirko emanaldia iragartzen duten kartelak herriko txoko guztietan zeuden eta horrelako ikuskizunak ez dira egunero izaten herrian. "Urte mordoa da Elgetara ez dela zirkorik etortzen", zioten plazan nagusiek. "Lehen bai, titiriteroak etortzen ziren, baina aspaldi honetan ez".
Ordu eta erdiko ikuskizuna
19:00etan emango diote hasiera ikuskizunari Berraondokoan ipini duten karpa azpian. 30 animalia exotiko inguru ekarri dituztela esan digute taldeko kideek. "Behiak, lamak, sugeak, zaldiak... Pailazoak ere baditugu, magia ikuskizunak egongo dira, abilezia askotariko artistak... gauza asko ekarri ditugu Elgetara". Karpan 150-200 bat lagun sartzen direla esan digute. Lehenengo sarrerak saltzen hasi dira.