Amaitu dira jaiak, jende dezente eta herri giro politarekin

Elgetarrek datorren urtera arte itxaron beharko dute herriko jaietarako. Aurreko urteetan izan den jende kopuru antzekoa egon da aurten eta ohi moduan, herri giroa izan da protagonista. Gaurko Ferixa izan da egunik jendetsuena, eta elgetarrez gain, kanpoko jende dezente hurbildu da idi probak, ganadua, nekazaritzarako makinaria eta azoka ikustera.