3.000 euroko saria eta farmazialari euskaldunen elkarteko kideen errekonozimendua jaso ditu Debako farmazialari gazteak FEUSE sariketan.
Ikasketak bukatu ondoren eta farmazialari gisa lanean hasi zenean atentzio defizita eta hiperaktibitatearen asaldura (ADHA) duten haurrak ezagutu zituen Garitanok, eta baita euren gurasoek dituzten kezka,buruhauste eta arazoak ere.
Tratamenduak aztertu ditu
Gaitzak umeengan eta familiengan eragiten dituen ondorio larriak ikusirik, gaia jorratzea erabaki zuen eta lana aurkeztu zuen Feuse sariaren deialdira. ADHAren etiologia, epidemiologia eta pronostikoa aztertu ondoren, gaitzak agertzen dituen sintomak azaldu ditu eta diagnostikoa egiteko erabiltzen diren irizpideak adierazi ditu. Lanaren zatirik handiena tratamenduari dagokiona da, eta gaur egun eskuragarri dauden tratamendu farmakologiko nahiz bestelakoak aztertzen ditu.