Eibar, Ermua eta Elgetako udaletako ordezkariak, atzo, bilera egin zuten Donostian Jose Inazio Insausti, Gipuzkoako Diputazioko Gazteria saileko zuzendariarekin. Aixolaren inguruko kezka adierazi zieten Insaustiri eta honi dagokion segurtasun neurriak eta arauak hartzeko eskaera egin zieten Oxel Erostarbe Elgetako alkateak, Miguel de los Toyos, Eibarko alkateak eta Jose Luis Araujo Ermuko Gizarte Ongizate saileko zinegotziak. Bestalde, Arartekoari eskatu diote Aixolako adin txikikoen zentroaren jarraipena egiteko.
Oxel
Erostarbe Elgetako alkateak hauxe esan du: “Aixolan zentroa zabaltzea
erabaki
politikoa da. EAJ eta Hamaika Batek zabaldu dute zentroa eta euren
ardura da
orain behar den moduko kudeaketa egin eta barikukoa moduak berriro ez
gertatzeko neurriak hartzea. Pentsatzen dut ez dela kasualitatea zentro
hau
Aixolan kokatzea, Aralarrek eta alderdi sozialistak alkatetza dugun
herrien
inguruan".
Hala ere, Erostarbek gaineratu du elkarlana bultzatzen ahaleginduko dela
Elgetako Udala: “Pentsatzen dugu Eibar, Ermua eta Elgetako Udalok, Ertzaintzak eta
Gipuzkoako
Foru Aldundiak martxan jarri dugun koordinazio mahaia pausu egokia dela
horretarako”.