Juan Luis Ubera txapelketako antolatzailearen berbetan txapelketako sorpresa izan da Mendizabalen kanporatzea. “Mendizabal urduri atera da kantxara eta hasieratik hartu dio aurre Renobalesek”, gaineratu du.
23 urtez azpikoen emaitzak
23 urtez azpikoen beste final laurdenean, Onsalok 22-14 irabazi zion Ollori. Hala, final erdiak izango dira: Onsalo Renobalesen aurka, eta Urrutikoetxea Beriozen aurka.
Kadete maila
Kadete mailako final laurdenetan, Juaneneak 22-21 irabazi zion Arratibeli. Bestalde, min hartuta dagoen Loidi lehiatik kanpo geratu zen eta finalerdia Urbietak jokatuko du.
Finalerdiak, hilaren 27an
Kadete mailako finalerdiak jokatuko dituzte, Urbietak Juanenearen aurka, eta Gallartzak Taintaren aurka. Finalerdiak datorren egubakoitzean, hilaren 27an izango dira 20:00etan. ETBk emango ditu partiduok.