Egun seinalatua da apirilaren 24a Elgetan. Espainiako gerran Elgetako frontea jausi izanaren urteurrena betetzen da egun horretan. Aurten ere, Udalak, ekitaldia egingo du "guda horretan faxistek hil eta eraso zituzten elgetarrei".
11:00etan Herriko plazan
Herritik Asentzioko Intxortako Aterainoko ibilbidea egingo dute domekan. Bidean, bi lore eskaintza egingo dituzte; bata Salbadorreko monumentuan eta bestea Intxortako Atean. "Gerraren inguruan, Udalak bultzatzen diharduen ibilbide tematikoaren proiektua aurreratuta dago", esan du Oxel Erostarbe alkateak. Udalak aurreikusten du Espaloiko harreragunea maiatza amaieran zabaltzea. "Bertan garai hartako hainbat materialarekin erakusketa ipiniko dugu". Zentzu horretan herritarrei deia ere egin dute Udaletik. "Etxean edo baserrian garai hartako materialik edukiz gero eta erakusketan ikusgai ipintzea gura izenez gero eskertuko genizuke udaletxera ekartzea".