Aurrebenjaminetan 11 umek eman dute izena, benjaminetan 15 dira eta alebinetan, berriz, 9. Kiroldegiko gimnasioan egiten dituzte saioak Oskar Carrascal, Jose Mari Zubiaurre eta Iñaki Ugartebururen gidaritzapean.
Zapatuetan, Bergarara zonaldeko kirol-txapelketak jokatzera joango dira benjaminak eta alebinak. Elgetako Eskola Kirola programako arduradunek gogoratu diete gurasoei guztien arteko koordinazioa beharrezkoa dela bidaia egiteko.
Pilotan 8 ume
Oskarbi elkarteak herriko umeendako egiten dituen saioetan, berriz, zortzi umek eman dute aurten izena.