Pozik dago Zenitagoia jende askok eman dute-eta izena pilota txapelketan parte hartzeko. "Elgeta herri txikia da, eta herri mailako txapelketan 40 lagun aritzea asko da, nire ustez". Hamaika bikote arituko dira 40 urtetik azpikoen mailan, eta bederatzi 40 urtetik gorakoen mailan. "Gazteetan atzera ere lehian izango dira iazko irabazleak eta bikote dira gainera; David Peñalver eta Txomin de Vega, hain zuzen ere. Nagusietan ere iazko bi irabazleak txapelketan izango dira, baina beste jokalariekin osatu dituzte bikoteak. Itxita dago txapelketan izena emateko epea. Lehenengo norgehiagokak urriaren 16an jokatuko dira udal pilotalekuan.