Zapatuan, 17:30ean, zabaldu zituen ateak Elgetako gazteleku berriak eta 17 gazte erabili zuten zerbitzu hori. "Giro ederra zegoen eta kanpoko ekintzak bultzatzen saiatu nintzen, baina lokala berria izatera barruan egotea nahiago izan zuten gazteek", adierazi du Mireia Berriozabal hezitzaileak. "Futbolin txapelketa egin genuen zapatuan, eta domekan, berriz, pelikula bat ikusi genuen".
Zapatuan, inaugurazio ekitaldia
Zapatuan, 12:00etan, inauguratuko dituzte ofizialki lokal berean aurkitzen diren haurreskola, ludoteka eta gaztelekua. Instalazio berria da eta finantzaketan parte hartu duten erakunde guztietako ordezkariak daude inauguraziora gonbidatuak. Baita elgetar guztiak ere, bereziki haurreskolaren diseinua egiteko osatu zen lantaldean parte hartu duten herritarrak.